1. Հավատարմագրման գործընթացն ուղղված է Հայաստանում պրակտիկ հոգեբանական գործունեության որակի ապահովմանն ու բարձրացմանը, ինչպես նաև դրանց առընչվող խնդիրների վերհանմանը:
2. Հավատարմագրումը չի ընդլայնում և չի սահմանափակում հոգեբանի մասնագիտական գործունեության իրավունքը:
3. Հավատարմագրելով՝ Հայաստանի հոգեբանների միությունը հաստատում և երաշխավորում է պրակտիկ հոգեբանի մասնագիտական որակը՝ ներառելով նրանց մասնագետների տվյալների բազա:
4. Հավատարմագրումով Հայաստանի հոգեբանների միությունը
ա) պարտավորեցնում է պրակտիկ հոգեբանին ապահովել բարձրորակ ծառայություն,
բ) պաշտպանում է նրա գործունեության իրավունքը,
գ) ցուցաբերում է մասնագիտական որակի բարձրացմանն ուղղված խորհրդատվական աջակցություն,
դ) ինչպես նաև դիտարկում է հետադարձ կապը նրա հաճախորդների հետ:

Ոչ, պարտադիր չէ: Հավատարմագրումը նախատեսված է պրակտիկ հոգեբանների համար՝ սեփական նախաձեռնությամբ:

Հավատարմագրման կարող են դիմել այն հոգեբանները, որոնք մատուցում են հոգեբանական ծառայություններ կամ կատարում են գործնական հոգեբանի աշխատանքներ Հայաստանի Հանրապետությունում:

Հավատարմագրված հոգեբանը համարվում է Հայաստանի հոգեբանների միության կողմից ճանաչված, երաշխավորված, ինչպես նաև որակավորված պրակտիկ մասնագետ,

Հավատարմագրված հոգեբանը ներառվում է ՀՀՄ ՀԿ պրակտիկ հոգեբանների տվյալների բազա, որը
ապահովում է հանրային տեսանելիություն և հնարավորություն է տալիս դառնալ ՀՀՄ ՀԿ նախագծերի պոտենցիալ մասնակից:

Հավատարմագրման համար գումար չի գանձվում:

Առաջին փուլում դիմելու դեպքում՝ տես հայտարարության մեջ:

Հերթական անգամ դիմելու պարագայում պահանջվելու են ՀՀՄ կողմից կրեդիտավորվող գործունեությունը հավաստող փաստաթղթեր

1. Մասնակցություն վերապատրաստման դասընթացին _ 10 ժ = 1 կր.:
2. Մասնակցություն մասնագիտական զարգացման միջոցառմանը (սեմինար, գիտաժողով, փորձի փոխանակման հանդիպում) _1 կր.,
3. Շարունակական մասնագիտական զարգացում _ 5 ՇՄԶ կր= 1 ՀՀՄ  կր.:
4. Ներգրավվածություն կիրառական հետազոտական նախագծին _ 5 կր.:
5. Միջազգային ճանաչում ունեցող մասնագիտական որակավորում _ 10 կր.:
6. Հրապարակում հեղինակավոր գիտական ամսագրում _ 3 կր.:
7. Մեթոդական ձեռնարկի տպագրություն _ 5 կր.:
8. Պրակտիկանտների հետ տարվող աշխատանքներ _ 2 կր.:
9. ՀՀՄ ՀԿ միջոցառման կազմակերպչական ակտիվություն _ 1 կր.:
10. ՀՀՄ ՀԿ կողմից պարգևատրում Հայաստանում հոգեբանական գործունեության զարգացմանն ուղղված ավանդի համար՝ կազմակերպության հատուկ հանձնաժողովի որոշմամբ: 

ՀՀՄ կրեդիտը ընդունվել է «ՀԱՅԱՍՏԱՆԻ ՀՈԳԵԲԱՆՆԵՐԻ ՄՈՒԹՅՈՒՆ» մասնագիտական հասարակական կազմակերպության ներքին կանոնադրության հիման վրա՝ որպես պրակտիկ հոգեբանի մասնագիտական որակավորման գնահատման միավոր:

ՀՀՄ 1 կրեդիտը սահմանված է միջինում 10 ժամ գիտագործնական աշխատածավալի հաշվարկով:

Հավատարմագիրը տրամադրվում է 5 տարի ժամկետով։

Այն կթարմացվի 5 տարիների ընթացքում ՀՀՄ պահանջները բավարարելու դեպքում՝ հավաքելով առնվազն 30 ՀՀՄ կրեդիտ (հերթական անգամ դիմելով):

Հավատարմագիրը կարող է ժամկետից շուտ դադարեցվել՝ հոգեբանի կողմից մասնագիտական և/կամ էթիկական նորմերի կոպիտ խախտումների դեպքում (կազմակերպության հատուկ հանձնաժողովի որոշմամբ), ինչպես նաև հավատարմագրված մասնագետի դիմումի համաձայն:

Հայտը կարող է չընդունվել (մերժվել)

ա) հայցորդի կողմից անհրաժեշտ մասնագիտական որակավորման անբավարարության, փաստաթղթերի անհամապատասխանության պատճառներով,

բ) մասնագիտական համայնքի ներկայացուցիչների կողմից ծանրակշիռ փաստարկներով՝ կազմակերպության հատուկ հանձնաժողովի որոշմամբ: